பிறந்த இந்திய மண்ணை விட்டு அமெரிக்க மண்ணை மிதித்ததற்கு இது தான் பரிசா.. 43 ஆண்டுகள் சிறை.. நரகத்தை காட்டிய US அரசு..
பென்சில்வேனியா, அக்டோபர் 21, 2025: "ஆயிரம் குற்றவாளிகள் தப்பிக்கலாம், ஒரு நிரபராதி கூட தண்டிக்கப்படக்கூடாது" என்பது சட்டரீதியான நீதியின் அடிப்படைத் தத்துவம். ஆனால், இந்த அடிப்படை மீறப்பட்டு 43 ஆண்டுகள் சிறைவாசம் அனுபவித்த இந்திய வம்சாவளி அமெரிக்கர் சுப்ரமணியம் சுபுவேதம் (சுபு) இப்போது விடுதலைக்குப் பின் நாடுகடத்தல் அச்சத்தால் பதறுகிறார். 2025-இல் நிரபராதியாக நிரூபிக்கப்பட்டாலும், 19 வயதில் பதிவான போதைப்பொருள் வழக்கு அவரை இந்தியாவுக்கு திருப்பியழைக்கும் அடிப்படையாக மாறியுள்ளது. சுபுவின் குடும்பம் மற்றும் வழக்கறிஞர்கள் இந்த உத்தரவை ரத்து செய்ய போராடி வருகின்றனர். சுபு, 1961-இல் இந்தியாவில் பிறந்தவர், 9 மாத குழந்தையாக இருக்கும் அமெரிக்காவுக்கு குடும்பத்துடன் இடம்பெயர்ந்தார். அங்கு வளர்ந்து, படித்து, வேலை செய்த அவரது வாழ்க்கை 1983-இல் திடீரென திசைமாறியது. தனது நண்பரை கொன்றதாகப் பொய்யான குற்றச்சாட்டில் 22 வயதில் கைது செய்யப்பட்ட சுபுவுக்கு ஆயுள் தண்டனை விதிக்கப்பட்டது. ஆதாரமற்ற யூகங்களை அடிப்படையாகக் கொண்ட இந்த வழக்கு, பென்சில்வேனியாவின் வரலாற்றில் நீண்ட கால தவறான சிறைத்தண்டனையாக...