காவல்துறை விசாரணைக்கு அழைத்து செல்லப்பட்ட இளைஞர் உயிரழப்பு..! எப்படி.? உண்மை என்ன..? பகீர் தகவல்கள்..!
மதுரை, அக்டோபர் 10 : மதுரை யாகப்பா நகரைச் சேர்ந்த இளைஞர் மூன் தினேஷ், போலீஸ் விசாரணைக்கு அழைத்துச் செல்லப்படும்போது தப்பியோடி வண்டியூர் கால்வாயில் விழுந்து உயிரிழந்த சம்பவம் பரபரப்பை ஏற்படுத்தியுள்ளது. உறவினர்கள், காவல்துறையினர் தினேஷை அடித்துக் கொன்றதாகக் குற்றம் சாட்டி அண்ணா நகர் காவல் நிலையம் முன் சாலை மறியல் போராட்டத்தில் ஈடுபட்டனர். மதுரை யாகப்பா நகரைச் சேர்ந்த மூன் தினேஷ் (25), அஜித் கண்ணா (23), பிரகாஷ் (22) ஆகிய மூன்று இளைஞர்களும் கஞ்சா விற்பனை, திருட்டு உள்ளிட்ட பல்வேறு வழக்குகளில் குற்றவாளிகளாக நீதிமன்றத்தில் நிலுவையில் உள்ளனர். இந்நிலையில், அவர்களை கைது செய்த போலீஸார், வண்டியூர் புறக்காவல் நிலையத்தில் ஆரம்ப விசாரணை நடத்தினர். பின்னர், அண்ணா நகர் காவல் நிலையத்துக்கு அவர்களை அழைத்துச் செல்லும் வகையில் போலீஸ் வாகனத்தில் ஏற்றினர். அப்போது, மூன் தினேஷ் திடீரென வாகனத்திலிருந்து தப்பியோடியதாக போலீஸார் தெரிவித்துள்ளனர். போலீஸ் அதிகாரிகள் அவரை விரட்டி விரும்பியபோது, தினேஷ் வண்டியூர் கால்வாயில் தாண்டி ஓட முயன்றதாகக் கூறப்படுகிறது. அங்கு உள்ள சகதியில் (மரக்கிளைகள் மற்றும் கசப்புகள்) சி...