Tamizhakam

சென்னை : தனியார் டிடெக்டிவ் துறையில் பணியாற்றும் பெண் டிடெக்டிவ் வினோதினி, தான் சந்தித்த விசித்திரமான வழக்குகள் குறித்து தனது அனுபவங்களை பகிர்ந்துகொண்டார். பெண்கள் பொதுவாக ஈடுபட விரும்பாத இந்தத் துறையில் தான் ஏன் இன்னும் தொடர்கிறேன் என்பதை விளக்கிய அவர், “இது எனக்கு வேலை அல்ல… என் பொழுதுபோக்கு, என் விளையாட்டு” என்று உணர்ச்சிபூர்வமாக கூறினார். குழந்தைப் பருவத்திலிருந்தே தெரியாத விஷயங்களுக்கு விடை கண்டுபிடிப்பது தனக்கு பெரும் சுவாரசியம் அளிப்பதாகவும், இதை ஒரு வேலையாகவே உணர்ந்ததில்லை என்றும் வினோதினி தெரிவித்தார். “பெண்கள் இந்தத் துறையில் வருவது அரிது. ஆனால் எனக்கு இது முழு விருப்பத்தின் பேரில் செய்யும் விஷயம்” என்றார். இந்த நேர்காணலில் அவர் பகிர்ந்த மிகப் பெரிய விசித்திர வழக்கு பலரையும் அதிர்ச்சியில் ஆழ்த்தியது. ஒரு நாள் தம்பதியர் ஒருவர் அவரைத் தொடர்புகொண்டனர். தங்களது மகளின் நடவடிக்கையில் திடீர் மாற்றம் ஏற்பட்டிருப்பதாகவும், அவள் வீட்டில் யாருடனும் பேசாமல் அமைதியாக இருப்பதாகவும் கூறினர். ஆனால் அவள் பயன்படுத்தும் பொருட்கள் அனைத்தும் விலை உயர்ந்தவை – ஆயிரக்கணக்கில், லட்சக்கணக்கில் விலை க...