திருமணதிற்கு முன்பு அடுத்தடுத்து உயிரிழந்த இரட்டை சகோதரிகள்.. விசாரணையில் வெளியான கொடூரம்..
ராஜஸ்தானின் ஜோத்பூர் மாவட்டத்தில், மனாய் கிராமத்தின் அமைதியான தெருக்களில் ஒரு வீடு மகிழ்ச்சியின் அலைகளால் துள்ளிக் கொண்டிருந்தது. தீப் சிங் எனும் அந்தத் தந்தை, தன் இரு மகள்களுக்கும் ஒரே நாளில் திருமணம் நடத்தத் திட்டமிட்டிருந்தார். ஷோபா – 25 வயது, விமலா – 23 வயது. இருவரும் அருகிலுள்ள தனியார் பள்ளியில் ஆசிரியர்களாகப் பணியாற்றி வந்தனர். படிப்பை முடித்து, சம்பாதித்து, குடும்பத்துக்கு உதவி வந்த அவர்களுக்கு திருமண ஏற்பாடுகள் நல்லபடியாக நடந்து கொண்டிருந்தன. பிப்ரவரி 20, சனிக்கிழமைக்கு முந்தைய நாள். வீடு முழுவதும் மஞ்சள், மருதாணி, பூக்கள், இசை, சிரிப்பு. உறவினர்கள் வந்து நிரம்பியிருந்தனர். ஷோபாவும் விமலாவும் உறவினர்களுடன் பேசி சிரித்துக் கொண்டிருந்தனர். அவர்களின் முகத்தில் எந்தக் கவலையும் தெரியவில்லை. "நாளைக்கு நம்ம ரெண்டு பேருக்கும் ஒரே மேடை... எவ்வளவு சந்தோஷமா இருக்கு!" என்று ஒருவர் கூற, இருவரும் சிரித்து தலையசைத்ததாக உறவினர்கள் பின்னர் நினைவு கூர்ந்தனர். இரவு நேரம். பண்டிகை முடிந்து, அனைவரும் அயர்ந்து உறங்கச் சென்றனர். ஷோபாவும் விமலாவும் தங்கள் அறைக்குச் சென்றனர். அதிகாலை 4 மணி அள...