இட்லி கடை இம்சைகள்.. காலியான தியேட்டர்கள்.. காட்சிகள் ரத்தானது ஏன்..? காந்தாராவின் தாக்கமா..?
சென்னை, அக்டோபர் 3 : தனுஷ் இயக்கி, நடித்து, தயாரித்த 'இட்லி கடை' படம் தமிழகம் முழுவதும் பெருவாரியாக வெளியான முதல் நாளே படக்குழுவினருக்கு அதிர்ச்சியை ஏற்படுத்தியுள்ளது. எப்போதும் ரசிகர்கள் கூட்டம் மண்டியும் திரையரங்குகளில் இம்முறை கூட்டம் குறைவாகவே இருந்ததாக தெரிகிறது. இருப்பினும், படத்தின் தரம் குறித்த பாசிட்டிவ் விமர்சனங்கள் வரத் தொடங்கியுள்ளதால், வரும் நாட்களில் ரசிகர்கள் அதிகரிக்கும் என திரையரங்கு உரிமையாளர்கள் நம்பிக்கை தெரிவித்துள்ளனர். தனுஷின் முதல் இயக்குநர் படமாக எதிர்பார்ப்புகளுடன் வெளியான 'இட்லி கடை', குடும்ப ரசிகர்களை கவரும் காமெடி-டிராமா என அறிமுகப்படுத்தப்பட்டது. ஆனால், வெளியீட்டு நாள் (அக்டோபர் 2) சில இடங்களில் ஏமாற்றத்தை ஏற்படுத்தியது. சென்னையின் பிரபல ரோகிணி திரையரங்கில் (கோயம்பேடு), படம் பார்க்க வருபவர்களுக்கு இட்லி வழங்கி அழைத்தனர். ஆனால், வழக்கமான ரசிகர்கள் கூட்டம் இல்லாமல் திரையரங்கம் வெறிச்சோடியாகக் காணப்பட்டது. காலாண்டு விடுமுறை காரணமாக சென்னை நகரில் இருந்து பலர் சொந்த ஊர்களுக்கு பயணித்திருக்கலாம் என்கிறது திரையரங்கு வட்டாரம்.இந்த ஏமாற்றம் சென்னைக...