தமிழ் சினிமாவில் மிகப்பெரிய வசூல் சாதனை படைத்த கூலி.. அதிரும் இந்திய திரையுலகம்..
சூப்பர் ஸ்டார் ரஜினிகாந்த் மற்றும் இயக்குநர் லோகேஷ் கனகராஜ் கூட்டணியில் உருவான கூலி திரைப்படம் நேற்று (ஆகஸ்ட் 14, 2025) உலகம் முழுவதும் திரையரங்குகளில் வெளியாகி, முதல் நாளில் 170 கோடி ரூபாய் வசூல் செய்து தமிழ் சினிமா வரலாற்றில் புதிய சாதனை படைத்துள்ளது. இதற்கு முன்னர் விஜய்யின் லியோ திரைப்படம் முதல் நாளில் 145 கோடி ரூபாய் வசூல் செய்து சாதனை புரிந்திருந்தது. இந்த சாதனையை முறியடித்து, கூலி தமிழ் சினிமாவில் முதல் நாளில் அதிக வசூல் செய்த திரைப்படமாக உயர்ந்துள்ளது. 375 கோடி ரூபாய் பொருட்செலவில் தயாரிக்கப்பட்ட இந்த பிரம்மாண்ட திரைப்படம், முதல் நாளிலேயே தனது பட்ஜெட்டின் கணிசமான பகுதியை வசூலித்து, தயாரிப்பாளர்களுக்கு பெரும் உற்சாகத்தை அளித்துள்ளது. குறிப்பாக, டிக்கெட் முன்பதிவில் மட்டும் 50 கோடி ரூபாய்க்கு மேல் வசூலித்து, வெளியீட்டுக்கு முன்னரே சாதனை படைத்திருந்தது கூலி. ரஜினிகாந்தின் 50 ஆண்டு கால திரைப்பயணத்தைக் கொண்டாடும் வகையில் வெளியான இந்த திரைப்படம், ரசிகர்களிடையே பெரும் வரவேற்பைப் பெற்றுள்ளது. விமர்சகர்கள் மற்றும் பார்வையாளர்களின் நேர்மறையான விமர்சனங்களால், கூலி திரைப்படம் உலகளவில் 1000...
