Tamizhakam

ஜபல்பூர் நகரின் ஒரு நடுத்தரக் குடும்ப வீட்டில் அன்றிரவு அமைதி இல்லை. சிங்கப்பூரில் ஆறு மாத வேலை முடித்து வீடு திரும்பிய அருண், மனைவி பிரியாவின் முகத்தில் ஒரு வித பதற்றத்தைப் பார்த்தான்.  சிரிப்பு குறைவு. உணர்வு குறைவு. “ஒன்றுமில்லை” என்று சொன்னாலும், உடல் சரியில்லை என்பது தெரிந்தது. சில நாட்களில் மருத்துவமனை. பரிசோதனை முடிவு வந்ததும் அறை முழுவதும் அமைதி. பிரியா மூன்று மாதக் கர்ப்பிணி. அருணின் முகம் வெளுத்தது. “நான் இல்லாத நேரத்தில் இது எப்படி?” என்ற கேள்வி முதலில் வந்தது. பிரியா அழுதுகொண்டே சொன்னாள். “நான் கர்ப்பமாக இருக்கிறேன் என்று எனக்கே தெரியாது. எனக்கு என்ன நடந்தது என்று தெரியவில்லை.” அந்த வீட்டின் கதை அங்கேதான் பின்னோக்கிச் சென்றது. அருணின் திருமணம் குடும்பத்தில் ஒரு பெரிய பிரச்சனையாக இருந்தது. அக்கா கவிதாவும் பெற்றோரும், அத்தை மகள் மேகலாவைத் தான் தம்பிக்கு மணம் முடிக்க வேண்டும் என்று ஆசைப்பட்டனர்.  சொத்து, உறவு, குடும்ப மரியாதை எல்லாம் ஒரே வளையத்தில் வரும் என்று நினைத்தனர். ஆனால், அருண் கல்லூரியில் படித்த பிரியாவைக் காதலித்தான். இருவரும் பெற்றோரின் எதிர்ப்பையும் மீறி தி...