12 ஆண்டுகளில் இல்லாத அளவுக்கு மடமடவென இறங்கிய தங்கம் விலை.! இன்னும் எவ்வளவு இறங்கும்..?
சென்னை, அக்டோபர் 23 : நடப்பாண்டு முழுவதும் வரலாற்று உச்சங்களைத் தொட்டு, 70%க்கும் மேல் உயர்ந்த தங்க விலை, கடந்த சில நாட்களாக திடீரென சரிவடைந்து வருகிறது. அக்டோபர் 17 அன்று கிராமுக்கு ₹12,200க்கும் சவரனுக்கு ₹97,600க்கும் விற்பனையான ஆபரண தங்கம், இப்போது கிராமுக்கு ₹11,540க்கும் சவரனுக்கு ₹92,320க்கும் வீழ்ச்சியடைந்துள்ளது. இது ஐந்து நாட்களில் கிராமுக்கு ₹660, சவரனுக்கு ₹5,280 குறைவு. சர்வதேச சந்தையிலும் 12 ஆண்டுகளுக்குப் பிறகு இல்லாத அளவு 6.3% சரிவு ஏற்பட்டுள்ளது. இந்த திடீர் சரிவுக்கு பல்வேறு சர்வதேச காரணங்கள் உள்ளன. தங்கம் வாங்க விரும்புவோருக்கு இது நல்ல தருணமாக இருக்கலாம் என்கிறனர் வர்த்தகர்கள். இந்திய சந்தையில் சரிவின் அளவு: புள்ளிவிவரங்கள் பேசும் நடப்பாண்டில் அமெரிக்க-சீன வர்த்தகப் போரின் பொருளாதார நிச்சயமற்ற தாக்கத்தால் தங்கம் 'பாதுகாப்பு முதலீடாக' பார்க்கப்பட்டு, விலை ராக்கெட் வேகத்தில் உயர்ந்தது. அமெரிக்க டாலர் மதிப்பு சரிந்ததும், முதலீட்டாளர்கள் டாலரை விட்டு தங்கத்தைத் தேர்ந்தெடுத்ததும் விலையை உச்சத்திற்குக் கொண்டு சென்றது. ஆனால், அக்டோபர் மாதத்தில் வேகம் பிடித்த விலை, ...