இந்த சிறுவன்களின் நிலை என்ன ஆகியிருக்கும்? நினைச்சு பார்க்கவே நடுங்குது.. பெற்றோர்களே இந்த தப்ப பண்ணிடாதீங்க
காரைக்கால், அக்டோபர் 14 : வீட்டுப்பாடம் செய்யாததால் பெற்றோரால் கடுமையாக திட்டப்பட்ட 11 வயது சிறுவன், தனது 7 வயது நண்பனை அழைத்துக் கொண்டு வீட்டை விட்டு வெளியேறி கேரளாவுக்கு செல்ல முயன்ற சம்பவம், காரைக்கால் ரயில் நிலையத்தில் நடந்தது. தற்செயலாக ரோந்து பணியில் இருந்த காவல் ஆய்வாளர் புருஷோத்தமன், சிறுவர்களை கண்டறிந்து பாதுகாப்பாக போலீஸ் நிலையத்திற்கு அழைத்து வந்தார். இது பெற்றோர்களிடையே பெரும் கவலையை ஏற்படுத்தியுள்ளது. ஞாயிற்றுக்கிழமை இரவு சுமார் 10 மணியளவு, காரைக்கால் ரயில் நிலைய டிக்கெட் கவுண்டரில் இரண்டு சிறுவர்கள் வந்தனர். கேரளாவுக்கு செல்லும் ரயில் எப்போது வரும் என்பதை அடிக்கடி விசாரித்து, அங்கு சுற்றி வழிந்து கொண்டிருந்தனர். இதை கவனித்த திருச்சி நகர காவல் ஆய்வாளர் புருஷோத்தமன், ரோந்து பணியின்போது அப்பகுதியில் இருந்தார். சிறுவர்களை அழைத்து, "இந்த நேரத்தில் தனியாக ரயில் நிலையத்தில் என்ன செய்கிறீர்கள்? உங்கள் கூட யாரும் இல்லையா?" என்று விசாரித்தார். சிறுவர்கள், "எங்கள் பெற்றோர் கேரளாவில் இருக்கிறார்கள். அவர்களிடம் செல்ல ரயில் காத்திருக்கிறோம்" என்று பதிலளித்தனர். இரு...