Tamizhakam

தமிழக அரசியல் களத்தில் தற்போது நடிகர் விஜய்யின் தமிழக வெற்றிக்கழகம் (தவெக) மீது பெரும் எதிர்பார்ப்பும், யூகங்களும் நிலவி வருகின்றன.  2026 சட்டமன்றத் தேர்தல் நெருங்கி வரும் நிலையில், விஜய்யின் கட்சி தனித்துப் போட்டியிடுமா? அல்லது கூட்டணி அமைத்து களமிறங்குமா? என்பது பரபரப்பான கேள்வியாக மாறியுள்ளது. தவெகவின் உள்ளக ஆலோசனைகள், நிர்வாகிகள் சந்திப்புகள் மூலம் கூட்டணி முடிவு எடுக்கப்பட்டு வருவதாகத் தகவல்கள் வெளியாகி உள்ளன.  திமுகவும் அதன் கூட்டணி கட்சிகளும் விஜய்யை தனிப்பட்ட வாழ்க்கை உள்ளிட்ட பல்வேறு விமர்சனங்களால் தாக்கி வந்ததால், அவர் மீது கோபமும் வெறியும் ஏற்பட்டுள்ளதாக அவரது நெருங்கிய வட்டாரங்கள் தெரிவிக்கின்றன.  திமுக தரப்பில் பல சட்ட ரீதியான முட்டுக்கட்டைகள் போடப்பட்டதாகவும், பொய் குற்றச்சாட்டுகளால் முடக்க முயற்சி நடந்ததாகவும் விஜய் வெளிப்படையாகக் கூறி வருகிறார். தனித்துப் போட்டியிட்டால் ஒரு தொகுதியில் கூட வெற்றி பெற முடியாது என்பதும், அது திமுக-அதிமுக இரு கட்சிகளுக்கும் வாக்கு பிரிவை ஏற்படுத்தி அவற்றின் வெற்றியை உறுதி செய்யும் என்பதும் கருத்துக் கணிப்புகளால் தெரிய வந்துள்ள...

மதுரை, மார்ச் 13, 2026 : தமிழக அரசியல் அரங்கில் பெரும் பரபரப்பு ஏற்பட்டுள்ளது. நடிகர் விஜயின் தமிழக வெற்றி கழகம் (TVK) கட்சி, 2026 சட்டமன்றத் தேர்தலில் தனியாகப் போட்டியிடுமா அல்லது பாஜக தலைமையிலான தேசிய ஜனநாயக கூட்டணி (NDA)யுடன் இணையுமா என்பது குறித்த ஊகங்கள் உச்சத்தில் உள்ளன. கடந்த பாராளுமன்றத் தேர்தலுக்கு முன்பே கட்சியைத் தொடங்கிய விஜய், அந்தத் தேர்தலில் போட்டியிடாமல் ஒதுங்கியது அவரது வாக்கு வங்கியை உறுதிப்படுத்தும் வாய்ப்பைத் தவறவிட்டது என்று அரசியல் விமர்சகர்கள் கூறுகின்றனர். இந்நிலையில், TVK தனியாக நின்றால் 13-20% வாக்குகளைப் பெறலாம் என்றாலும், வெற்றி பெறுவது கடினம் என்று கருத்துக்கணிப்புகள் தெரிவிக்கின்றன. ஆனால், NDA கூட்டணியில் சேர்ந்தால், 40 எம்எல்ஏக்களுடன் எதிர்க்கட்சித் தலைவராக விஜய் சட்டமன்றத்தில் அமரலாம் என்று அரசியல் வட்டாரங்கள் கசிய விடுகின்றன.விஜயின் அரசியல் பயணம் தொடங்கியதிலிருந்தே, அவரது கட்சி தனித்து நிற்கும் என்பதே பொதுவான எதிர்பார்ப்பு. ஆனால், சமீப காலங்களில் பாஜக தலைவர்கள் TVK உடன் கூட்டணி ஆராய்வதாகக் கூறியுள்ளனர். உதாரணமாக, பாஜக மூத்த தலைவர் அமித் ஷா, "தமிழக...

சென்னை, மார்ச் 11, 2026: தமிழ்நாட்டின் அரசியல் களம் தற்போது உச்சகட்ட பரபரப்பில் உள்ளது. 2026 சட்டமன்ற தேர்தலை நெருங்கி வரும் நிலையில், பல்வேறு கருத்துக்கணிப்புகள் நாள்தோறும் வெளியாகி, கட்சிகளின் வாக்கு சதவீதம், தொகுதி போட்டி மற்றும் வெற்றி வாய்ப்புகள் குறித்து விவாதங்களை தூண்டி வருகின்றன. இன்று ஆந்திராவைச் சேர்ந்த 'பேராவில்' என்ற கருத்துக்கணிப்பு நிறுவனம் வெளியிட்டுள்ள அறிக்கை, ஆளும் திமுகவுக்கு 41% வாக்குகளும், எதிர்க்கட்சியான அதிமுகவுக்கு 36% வாக்குகளும், முதன்முறையாக தேர்தலை சந்திக்கும் தமிழக வெற்றிக் கழகம் (TVK) கட்சிக்கு 13% வாக்குகளும், நாம் தமிழர் கட்சிக்கு (NTK) 8% வாக்குகளும், பிற கட்சிகளுக்கு 2% வாக்குகளும் கிடைக்க வாய்ப்பிருப்பதாக தெரிவித்துள்ளது. இந்த முடிவுகள், தேர்தலின் வெற்றி-தோல்வியை தீர்மானிக்கும் முக்கிய காரணியாக 5% வாக்கு இடைவெளியை சுட்டிக்காட்டுகின்றன – இது கடந்த தேர்தல்களில் பார்த்திருக்கும் போக்குக்கு ஒத்துப்போகிறது.இந்த கருத்துக்கணிப்பு, தமிழ்நாட்டின் தலைநகரான சென்னையில் TVK கட்சி இரண்டாம் இடத்தைப் பிடிக்கும் என்றும், அதிமுகவை மூன்றாம் இடத்துக்கு தள்ளும்...

சென்னை, மார்ச் 10 : தமிழக அரசியல் களத்தில் பரபரப்பை ஏற்படுத்தியுள்ள த.வெ.க (தமிழக வெற்றிக் கழகம்) தலைவர், நடிகர் விஜய், தனது கட்சியை என்.டி.ஏ கூட்டணியில் இணைப்பதற்கான பேச்சுவார்த்தைகளில் குறிப்பிடத்தக்க மாற்றத்தை ஏற்படுத்தியுள்ளார். ஆரம்பத்தில் துணை முதல்வர் பதவி கோரிய விஜய், இப்போது அந்த கோரிக்கையில் இருந்து இறங்கி வந்து, மாநில வளர்ச்சியையும் அரசியல் மாற்றத்தையும் முதன்மைப்படுத்தி சிந்திக்கத் தொடங்கியுள்ளதாக தகவல்கள் வெளியாகியுள்ளன. ஆந்திர துணை முதல்வரும் ஜனசேனா கட்சித் தலைவருமான பவன் கல்யாண், தனது அரசியல் அனுபவத்தை விஜயுடன் பகிர்ந்து கொண்டு, கூட்டணியின் நன்மைகளை விளக்கியுள்ளார். "இந்தத் தேர்தல் உங்களுக்கு முதல்வர் பதவிக்கானது அல்ல, ஆனால் உங்கள் கட்சியின் வளர்ச்சிக்கும் மாநிலத்தின் முன்னேற்றத்துக்கும் அடித்தளமாக மாற்றிக் கொள்ளலாம்" என்று பவன் கல்யாண் வலியுறுத்தியதாகக் கூறப்படுகிறது. தனித்துப் போட்டியிட்டால் வாக்குகள் பிரிந்து, திமுக ஆட்சி மீண்டும் அமைய வாய்ப்புள்ளது; அது த.வெ.க-வுக்கு படுபாதகமாக அமையும் என்று அவர் எச்சரித்துள்ளார். அதேநேரம், என்.டி.ஏ-வில் இணைந்தால் கணிசமான ...