ரஞ்சிதா என்ன ஆனார்..? இப்போ என்ன செய்கிறார்..? புதிய பெயர் என்ன தெரியுமா..?
தமிழ் சினிமாவில் 1990-களில் பிரபலமான நடிகையாக வலம் வந்தவர் ரஞ்சிதா. 1992-ல் ‘நாடோடி தென்றல்’ திரைப்படத்தில் அறிமுகமாகி, ‘காதல் கவிதை’, ‘நாட்டாமை’ உள்ளிட்ட பல படங்களில் நடித்து புகழ் பெற்றவர். ஆனால், 2010-ல் சர்ச்சைக்குரிய ஆன்மீகவாதி நித்தியானந்தாவுடன் தொடர்புடைய ஒரு வீடியோ வெளியாகி பெரும் பரபரப்பை ஏற்படுத்தியது. இதனால், அவரது திரை வாழ்க்கை பின்னடைவை சந்தித்தது. அதன்பின், ரஞ்சிதா பொதுவெளியில் இருந்து விலகி, நித்தியானந்தாவின் ஆன்மீக இயக்கத்தில் முக்கிய பங்காற்றி வந்தார். கைலாசா நாட்டின் பிரதமராக ரஞ்சிதா 2019-ல் இந்தியாவை விட்டு தலைமறைவான நித்தியானந்தா, ‘கைலாசா’ என்ற புனைவு நாட்டை உருவாக்கியதாக அறிவித்தார். இந்த நாட்டிற்கு தனி கொடி, நாணயம், பாஸ்போர்ட் மற்றும் அரசு அமைப்பு இருப்பதாகவும் கூறப்பட்டது. இந்நிலையில், 2023-ல் வெளியான தகவல்களின்படி, ரஞ்சிதா இந்த கைலாசா நாட்டின் பிரதமராக அறிவிக்கப்பட்டார். கைலாசாவின் ‘லிங்க்டின்’ பக்கத்தில் அவரது பெயர் ‘நித்யானந்த மாயி சுவாமி’ என்று குறிப்பிடப்பட்டு, பிரதமர் பதவியில் இருப்பதாக அறிவிக்கப்பட்டது. இது சமூக வலைதளங்களில் பெரும் விவாதத்தை ஏற்படுத்தியது....