Tamizhakam

தமிழ் சினிமாவில் கடந்த 2005-ம் ஆண்டு இயக்குனர் P.வாசு இயக்கத்தில் சூப்பர் ஸ்டார் ரஜினிகாந்த், பிரபு, ஜோதிகா, நயன்தாரா, வடிவேலு, நாசர் மற்றும் பலர் நடிப்பில் வெளியாகி மாபெரும் வெற்றி பெற்ற திரைப்படம் "சந்திரமுகி". 90ஸ் கிட்ஸ்களுக்கு தெரிந்து ஒரே திரையரங்கில் 100 நாள் ஓடிய திரைப்படம் என்றால் அது சந்திரமுகியாக தான் இருக்க முடியும். இணையதளங்கள் வளர்ச்சி பெற்ற பிறகு வெள்ளிகிழமை ரிலீஸ் ஆகும் படங்கள் சனி, ஞாயிறு என மூன்று நாட்கள் தொடர்ந்து ஓடி விட்டாலே தலை தப்பிச்சது கதை தான். அதையும் மீறி, முன்னணி நடிகர்களின் படங்கள், விமர்சன ரீதியாக வரவேற்பை பெரும் படங்கள் தான் வெற்றிப்படங்களாக அமைகின்றன. சமீப காலமாக இளம் இயக்குனர்களின் படையெடுப்பு தமிழ் சினிமா மீது நல்ல நம்பிக்கையை கொடுத்துள்ளது. இது ஒரு பக்கம் இருக்க, ஷங்கர் முதல் சுந்தர் சி வரையிலான பழைய இயக்குனர்கள் கதை பற்றாகுறை காரணமாக எடுத்த படத்தின் இரண்டாம் பாகம், மூன்றாம் பாகம் என காலத்தை ஓட்டும் நிலையில் தற்போது சந்திரமுகி படத்தின் இரண்டாம் பாகம் எடுக்கிறேன் என கிளம்பி விட்டார் இயக்குனர் P.வாசு. இவரது மகன் ஷக்தி சினிமாவில் அறிமுகமானபோத...

தமிழ் சினிமாவின் பிரபல இயக்குனர் பி.வாசு இயக்கத்தில் நடிகர் ரஜினிகாந்த், வடிவேலு, பிரபு, ஜோதிகா, நயன்தாரா உள்ளிட்டோர் நடிப்பில் கடந்த 2005-ம் ஆண்டு வெளியான படம் சந்திரமுகி.  சிவாஜி புரொடக்‌ஷன்ஸ் தயாரித்திருந்த இந்த படத்திற்கு வித்யாசாகர் இசையமைத்திருந்தார். படத்தின் பாடல்கள் பட்டி தொட்டி எங்கும் ஹிட் அடிக்க, படமும் ரசிகர்களிடம் நல்ல வரவேற்பைப் பெற்று வசூலைக் குவித்து வெற்றிப்படமானது.  இந்நிலையில் தற்போது இந்தப் படத்தின் 2-ம் பாகம் உருவாக இருப்பதை உறுதி செய்துள்ளார் நடிகர் ராகவா லாரன்ஸ். இதுகுறித்து தனது பேஸ்புக் பக்கத்தில் பதிவிட்டிருக்கும் ராகவா லாரன்ஸ், என்னுடைய அடுத்த படங்களில் ஒன்று சந்திரமுகி 2.  நான் இந்தப் படத்தில் தலைவரின் அனுமதியுடனும், ஆசிர்வாதத்துடனும் நடிக்கிறேன் என்பதை அதிர்ஷ்டமாக கருதுகிறேன். இயக்குநர் பி.வாசு இயக்கும் இந்த படத்தை என்னுடைய லக்கி ப்ரொட்யூசர் கலாநிதிமாறன் தயாரிப்பதாகவும் கூறியுள்ளார் லாரன்ஸ். இந்த படம் 150 கோடி ரூபாயில் பிரமாண்ட பொருட்செலவில் உருவாகவுள்ளது என முதற்கட்ட தகவல்கள் வந்துள்ளன.

நடிகர் ரஜினிகாந்த் நடிப்பில் கடந்த 2005-ம் ஆண்டு வெளியாகி  மிகப்பெரிய வெற்றி பெற்ற படம் சந்திரமுகி. அந்த படத்தில் பிரபு, ஜோதிகா, வடிவேலு என பல முன்னணி நடிகர்கள் நடித்திருந்தனர்.  இந்த படத்தின் இரண்டாம் பாகத்தின் கதை எழுதி முடிந்துவிட்டதாக இயக்குனர் பி.வாசு தற்போது தெரிவித்துள்ளார். முன்னணி தயாரிப்பு நிறுவனம் அதை தயாரிக்கவுள்ளது என கூறியுள்ள அவர், அதில் ஹீரோவாக முன்னணி நடிகர் நடிக்கவிருப்பதாகவும் கூறியுள்ளார்.  ஆனால், அவர் ரஜினியின் பெயரை குறிப்பிடவில்லை. அதனால் அவர் சந்திரமுகி 2ல் நடிக்க வாய்ப்பில்லை என கூறப்பட்டது. இந்நிலையில்,தற்போது கிடைத்த புதிய தகவல் என்னவென்றால் சந்திரமுகி 2-வில் நடிகர் ராகவா லாரன்ஸ் ஹீரோவாக நடிக்க வாய்ப்புள்ளது என கூறுகிறார்கள். சமீபத்தில் வெளியான சிவலிங்கா படத்தில் பி.வாசுவும், நடிகர் ராகவா லாரன்ஸும் கூட்டணி அமைத்திருந்தார்கள் என்பது குறிப்பிடத்தக்கது.