லாட்டரியில் ரூ.20 கோடி வென்றவருக்கு காத்திருந்து அதிர்ச்சி!
கேரளாவில் கிரிஸ்துமஸ்-நியூ இயர் பம்பர் லாட்டரியில் 20 கோடி ரூபாய் முதல் பரிசு வென்ற டிக்கெட் தொடர்பான சுவாரசிய வழக்கு பெரும் பரபரப்பை ஏற்படுத்தியுள்ளது. ஓய்வு பெற்ற போலீஸ் அதிகாரி ஒருவர், அந்த டிக்கெட் தன்னுடையது எனக் கூறி கேரள உயர்நீதிமன்றத்தில் வழக்கு தொடர்ந்துள்ளார். நீதிமன்றம் பரிசுத் தொகையை வழங்க இடைக்கால தடை விதித்துள்ளது. நடந்த சம்பவம் என்ன? கடந்த ஜனவரி 24-ஆம் தேதி திருவனந்தபுரத்தில் நடைபெற்ற கிரிஸ்துமஸ்-நியூ இயர் பம்பர் லாட்டரி (2025) டிராவில் XC 138455 (சில இடங்களில் XC138455 / AC13845 எனக் குறிப்பிடப்பட்டுள்ளது) என்ற எண்ணுக்கு முதல் பரிசு 20 கோடி ரூபாய் விழுந்தது. இந்த டிக்கெட் கோட்டயம் மாவட்டத்தில் (காஞ்சிரப்பள்ளி அருகே) விற்கப்பட்டது தெரியவந்தது.பரிசு வென்றவர் யார் என்பது ஒரு மாதத்துக்கும் மேலாக ரகசியமாகவே இருந்தது. பலரும், வென்றவர் உறவினர்களின் தொல்லையைத் தவிர்க்க ரகசியமாக பரிசு பெற்றிருக்கலாம் என நம்பினர். இந்நிலையில், எர்ணாகுளம் மாவட்டம் பிரவோம் (Pazhoor) பகுதியைச் சேர்ந்த ஓய்வு பெற்ற அசிஸ்டண்ட் சப்-இன்ஸ்பெக்டர் கே.கே. சஜிமோன் (57) என்பவர் உயர்நீதிமன்றத்தில் வழக்கு தொடர்...