Arushi Talwar வழக்கில் மறைக்கப்பட்ட மர்மங்கள்! இது மட்டும் சரியாக இருந்திருந்தால் தீர்ப்பே மாறியிருக்கும்!
நோய்டா (உத்தரப் பிரதேசம்) : 2008 ஆம் ஆண்டு மே மாதம் 16 ஆம் தேதி நடந்த ஆருஷி தல்வார் சம்பவம் இன்றும் இந்திய குற்றவியல் வரலாற்றில் மிகப் பெரிய மர்மமாகவே தொடர்கிறது. பல ஆண்டுகளாக போலீஸ், சிபிஐ உள்ளிட்ட அமைப்புகள் விசாரித்தும், நீதிமன்றங்கள் வழக்கை ஆராய்ந்தும் இந்த வழக்கின் உண்மை இன்னும் முழுமையாக வெளியாகவில்லை. இந்த சம்பவம் தொடர்பான பல தடயங்கள், விசாரணை முறைகள் மற்றும் நீதிமன்ற தீர்ப்புகள் பற்றி விரிவாகப் பார்ப்போம். குடும்ப பின்னணி ராஜேஷ் தல்வார் மற்றும் நுப்பூர் தல்வார் ஆகிய இருவரும் பல் மருத்துவர்கள். நோய்டாவில் உள்ள ஒரு புகழ்பெற்ற மருத்துவமனையில் பணியாற்றி வந்த அவர்கள், தனியார் கிளினிக்கும் நடத்தி வந்தனர். அவர்களுக்கு ஆருஷி என்ற ஒரே மகள். IVF சிகிச்சைக்குப் பிறகு பிறந்த ஆருஷியை அவர்கள் மிகுந்த அன்புடன் வளர்த்து வந்தனர். அவர்களது வீட்டில் வேலை பார்த்த ஹேம்ராஜ் (நேபாளம்) என்பவரும் குடும்பத்துடன் தங்கியிருந்தார். அப்பார்ட்மெண்ட் காம்ப்ளெக்ஸில் இருந்த மூன்று படுக்கையறை வீட்டில், ஹேம்ராஜுக்கு தனி அறை ஒதுக்கப்பட்டிருந்தது. சம்பவத்தின் நாள் – மே 15-16, 2008 மே 15 ஆம் தேதி இரவு ஆருஷியின் பிறந...
