“வீடு போக்கியத்திற்கு போகும் முன் கவனம்..” நெஞ்சை கலங்க வைக்கும் கொடூர சம்பவம்!
சென்னை, நவம்பர் 9 : சென்னை போரூர் அருகே உள்ள கெருகம்பாக்கத்தில் வசிப்பவர் ஸ்ரீவஸ்த் (43) என்பவர், ஆன்லைன் தளங்களில் வாடகைக்கும் விற்பனைக்கும் வீடுகள் உள்ளதாகப் பொய்யான விளம்பரங்களைப் பதிவிட்டு, வீடு போக்கியத்திற்கு விடப்படும் என கூறி 15-க்கும் மேற்பட்ட நபர்களிடமிருந்து 1.25 கோடிக்கும் மேல் பணத்தை ஏமாற்றி வாங்கிய சம்பவம் கண்டிக்கத்தக்கது. வங்கி கடனில் சிக்கிய அடுக்குமாடி வீடுகளை 'காலி செய்து குடியேறலாம்' எனக் கூறி, ரொக்கமாகவும் வங்கிக் கணக்கு மூலமாகவும் பணத்தைப் பெற்றெடுத்த இவர், தலைமறைவாகி மாங்காட்டில் மறைந்திருந்த இடத்தைப் பாதிக்கப்பட்டவர்கள் தானாகக் கண்டறிந்து, போலீஸிடம் ஒப்படைத்தனர். இப்போது மௌலிவாக்கம் போலீஸ் தீவிர விசாரணையில் ஈடுபட்டுள்ளது. மோசடியின் 'நம்பிக்கை' விளையாட்டு ஸ்ரீவஸ்த், மாங்காடு மற்றும் ஆவடியில் உள்ள இரண்டு அடுக்குமாடி வீடுகளின் புகைப்படங்களை OLX, NoBroker உள்ளிட்ட ஆன்லைன் தளங்கள் மற்றும் பேஸ்புக்கில் பதிவிட்டார். 'வாடகைக்கு/விற்பனைக்கு கிடைக்கும்' எனக் கூறி, ஏராளமானோரை ஈர்த்தார். அவர்களை அணுகியவர்களிடம் 5 லட்சம் முதல் 10 லட்சம் வரை 'முன்ப...