"அந்த சிறுமியை ஏன் குறிவைத்தேன்?.." குற்றவாளியின் பகீர் வாக்குமூலம்.. ராஜு பிஸ்வகர்மாவின் பகீர் பின்னணி..
திருவள்ளூர் மாவட்டம், ஆரம்பாக்கம் பகுதியில் 10 வயது பள்ளிச் சிறுமி பாலியல் வன்கொடுமை செய்யப்பட்ட சம்பவம் தமிழ்நாட்டையே உலுக்கியுள்ளது. இந்த கொடூரச் செயலில் ஈடுபட்ட குற்றவாளியை கைது செய்ய காவல்துறை நடத்திய தீவிர தேடுதல் வேட்டை, பாதிக்கப்பட்ட சிறுமியின் துணிச்சலான பங்களிப்பால் வெற்றி பெற்றது. குற்றவாளியை பிடிக்க 200-க்கும் மேற்பட்ட காவலர்கள் அமர்த்தப்பட்டு, பல்வேறு வழிகளில் மேற்கொள்ளப்பட்ட தேடுதல் பணிகள் ஆந்திர மாநிலம் சூலூர்பேட்டை ரயில் நிலையத்தில் முடிவுக்கு வந்தது. சம்பவத்தின் பின்னணி கடந்த ஜூலை 12-ம் தேதி, பள்ளி அரைநாள் வகுப்பை முடித்துவிட்டு தனது பாட்டி வீட்டிற்கு சென்று கொண்டிருந்த சிறுமி, ஆரம்பாக்கம் பகுதியில் கடத்தப்பட்டு பாலியல் வன்கொடுமைக்கு உள்ளாக்கப்பட்டார். இந்த கொடூரச் செயலை தைரியமாக தனது பெற்றோரிடம் தெரிவித்த சிறுமி, உடனடியாக காவல் நிலையத்தில் புகார் அளிக்க உதவினார். ஆனால், குற்றவாளியின் அடையாளம் குறித்து எந்த தகவலும் இல்லாததால், காவல்துறையினர் ஆரம்பத்தில் தடுமாறினர். காவல்துறையின் தேடுதல் வேட்டை இந்த சம்பவம் பொதுமக்கள் மற்றும் அரசியல் தலைவர்களிடையே பெரும் கொந்தளிப்பை ஏற்ப...