Tamizhakam

சென்னை, நவம்பர் 9, 2025: தமிழ்நாட்டில் பரபரப்பை ஏற்படுத்திய கோவை கல்லூரி மாணவி மீதான கூட்டு பாலியல் வன்கொடுமை சம்பவம் குறித்து நடிகை கஸ்தூரி தனது கடுமையான கருத்துகளைப் பகிர்ந்து கொண்டார். "புதிய சிந்தனை" யூடியூப் சேனலுக்கு அளித்த பேட்டியில், அவர் சம்பவத்தை கண்டித்துக் கொண்டே, பாதிக்கப்பட்ட மாணவியின் "பொறுப்பின்மை" மற்றும் சமூக கலாச்சாரத்தின் தோல்விகளை சுட்டிக்காட்டினார். இந்தப் பேட்டி சமூக வலைதளங்களில் பரவலாக விவாதத்தைத் தூண்டியுள்ளது.   கோவை அருகே கடந்த வாரம் நிகழ்ந்த இந்தச் சம்பவத்தில், 21 வயது முதுகலை மாணவி தனது ஆண் நண்பருடன் இரவு 11 மணியளவில் தனியான இடத்தில் காரில் பேசிக்கொண்டிருந்தபோது, மூன்று மர்ம நபர்கள் தாக்குதல் நடத்தினர். ஆண் நண்பரை தாக்கி, மாணவியை கடத்திச் சென்று 12 கி.மீ. தொலைவுக்கு இழுத்துச் சென்று கூட்டு பாலியல் வன்கொடுமை செய்தனர். இச்சம்பவம் தமிழ்நாடு அரசு மற்றும் காவல்துறையின் சட்டம்-ஒழுங்கு நிலைமையை கேள்விக்குள்ளாக்கியுள்ளது. பேட்டியில் கஸ்தூரி கூறியது: "இந்தச் சம்பவத்தை நான் குரூரமாகப் பார்க்கிறேன். ஆனால், போலீஸ் வராத, இருட்டான, ஊருக்கு ஒதுக்க...