2023ஆம் ஆண்டு, தெற்கு சீனாவின் ஷென்சென் நகரில் ஒரு சாதாரண ஹோட்டல் அறைக்குள் எரிக் (பெயர் மாற்றப்பட்டது) என்ற ஹாங்காங் இளைஞரும் அவரது காதலி எமிலியும் (பெயர் மாற்றப்பட்டது) தங்கினர்.
இருவரும் அந்த இரவை ரொமான்டிக்காகக் கழிக்கத் திட்டமிட்டிருந்தனர். அறைக்குள் நுழைந்து லக்கேஜ்களை வைத்து, சிரித்துப் பேசி, பின்னர் கட்டிலில் நெருக்கமான தருணங்களைப் பகிர்ந்துகொண்டனர். அவர்களுக்கு எதுவும் தெரியாது—அந்த அறையில் ஒரு மறைமுக கேமரா (spy camera) அமைக்கப்பட்டிருந்தது என்பது.
.png)
சுமார் மூன்று வாரங்கள் கழித்து, ஒரு இரவில் எரிக் தனது வழக்கமான பழக்கத்தின்படி டெலிகிராம் சேனலில் ஆபாச வீடியோக்களை உலாவத் தொடங்கினார். அவர் பதின்வயதிலிருந்தே இத்தகைய "ஸ்பை கேம்" வீடியோக்களை விரும்பிப் பார்த்து வந்தார்—ஏனெனில் அவை "உண்மையானவை, போலியல்ல" என்று அவருக்குத் தோன்றியது.
ஆனால் அன்று ஒரு வீடியோ தொடங்கிய சில வினாடிகளிலேயே அவர் உறைந்துபோனார். அறை தெரிந்தது... லக்கேஜ் வைக்கும் காட்சி தெரிந்தது... பின்னர் கட்டிலில் நடக்கும் நிகழ்வுகள்... அது தாங்கள்தான்! அவரும் எமிலியும்! கிட்டத்தட்ட ஒரு மணி நேரம் நீளமான அந்த வீடியோ, அவர்களின் தனிப்பட்ட தருணங்களை முழுமையாகப் பதிவு செய்திருந்தது. ஆயிரக்கணக்கானோர் அதைப் பார்த்திருந்தனர்—பணம் கொடுத்து.
எரிக் அதிர்ச்சியில் நடுங்கினார். உடனடியாக எமிலியிடம் சொன்னார். முதலில் அவள் நகைச்சுவை என்று நினைத்தாள். "என்ன சொல்ற? இது உண்மையா?" என்று சிரித்தாள். ஆனால் வீடியோவைப் பார்த்தவுடன் அவளது உலகமே தலைகீழானது. "என் குடும்பத்தினர்... சக ஊழியர்கள்... நண்பர்கள்... யாராவது இதைப் பார்த்திருந்தால்?" என்ற எண்ணம் அவளை முற்றிலும் உடைத்துவிட்டது. அவள் மீள முடியாத அதிர்ச்சியில் ஆழ்ந்தாள்.
அதன் பிறகு சில வாரங்கள் இருவரும் ஒருவருக்கொருவர் பேசவில்லை. வெளியே செல்லும்போது தொப்பி, முகமூடி போன்றவற்றால் முகத்தை மறைத்தனர். ஹோட்டல்களில் தங்குவதை முற்றிலும் தவிர்த்தனர். எரிக் இப்போது ஆபாச தளங்களுக்கு அருகில்கூட செல்வதில்லை. "முன்பு ஸ்பை வீடியோக்களை அதிகம் பார்த்தேன்... ஆனால் இப்போது அது எனக்குப் பிடிக்கவில்லை" என்று அவர் கூறுகிறார். அவரது பார்வையே மாறிவிட்டது.
இது தனிப்பட்ட சம்பவம் அல்ல. சீனாவில் கடந்த 10 ஆண்டுகளாக ஹோட்டல் அறைகளில் மறைமுக கேமராக்கள் மூலம் எடுக்கப்படும் ஆபாச வீடியோக்கள் பெருகிவருகின்றன. சட்டப்படி இது தடைசெய்யப்பட்டிருந்தாலும், ஹோட்டல்களில் 180-க்கும் மேற்பட்ட கேமராக்கள் கைப்பற்றப்பட்டுள்ளன.
இவை ரகசியமாக எடுக்கப்பட்டு, ஆபாச தளங்களில் உயர் விலைக்கு விற்கப்படுகின்றன—சில சமயங்களில் நேரலையாகவே ஒளிபரப்பப்படுகின்றன.
எரிக் மற்றும் எமிலியின் கதை ஒரு கொடூரமான உண்மையை வெளிச்சம் போட்டுக்காட்டுகிறது: தனியுரிமை என்றால் என்ன என்பதை இழந்த ஒரு சமூகத்தில், எப்போது வேண்டுமானாலும் யாரும் பாதிக்கப்படலாம். அவர்கள் இன்னும் அந்த வீடியோ மீண்டும் தோன்றிவிடுமோ என்ற பயத்தில் வாழ்கின்றனர்.
Summary in English : In 2023, a couple staying in a Shenzhen hotel discovered their private moments had been secretly recorded by a hidden camera and shared online without consent. This incident changed their views on privacy and online content. They now avoid hotels and related platforms.
