யாஷ் நடிப்பில் உருவாகியுள்ள ‘டாக்சிக்: எ ஃபேரி டேல் ஃபார் க்ரோன்-அப்ஸ்’ படத்தின் ட்ரெய்லர் லாஞ்ச் நிகழ்ச்சி சமீபத்தில் பெங்களூரில் நடைபெற்றது. இந்த நிகழ்ச்சியில் யாஷ் உடன் நயன்தாரா, கியாரா அத்வானி, ஹுமா குரேஷி, தாரா சுதாரியா, ருக்மிணி வசந்த் உள்ளிட்ட நடிகர்கள் கலந்துகொண்டனர்.
மேடையில் நயன்தாரா ஆரஞ்ச் சாய சேலையில் அழகாக நின்றிருந்தார். அப்போது வெள்ளை ஆஃப்-ஷோல்டர் சாடின் உடையில் அருகில் வந்து நின்ற கியாரா அத்வானியைப் பார்த்த நயன்தாரா, திடீரென “ஓ மை காட்” என்று ஆச்சரியக் குரலில் கூறிய வீடியோ வெளியாகி தீயாகப் பரவி வருகிறது.
இந்த வீடியோவில் நயன்தாரா கியாராவை நோக்கிப் பார்த்து, அவரது மார்புப் பகுதியை நோக்கிச் சிறிது தலையைத் தாழ்த்தி ஆச்சரியப்படுவது போலத் தெரிகிறது. இதனைப் பார்த்த ரசிகர்கள் இரண்டு விதமாக விளக்கம் அளித்து வருகின்றனர்.
ஒரு பிரிவினர், “நயன்தாரா கியாராவைச் சரியாக நிற்கச் சொன்னார். அல்லது மேடையில் கீழே ஏதோ ஒரு விஷயத்தைப் பார்த்துத் தான் ‘ஓ மை காட்’ என்று சொன்னார்” எனக் கூறுகின்றனர். மற்றொரு பிரிவினர், “கியாராவின் முன்னழகையும், அந்த உடையில் தெரிந்த வடிவமைப்பையும் பார்த்துத் தான் நயன்தாரா அப்படி ஆச்சரியப்பட்டார்” என வாதிடுகின்றனர்.
இருவரும் மேடையில் அருகருகே நின்ற போது எடுக்கப்பட்ட படங்களும் இந்த விவாதத்தை மேலும் தூண்டியுள்ளன. கியாராவின் வெள்ளை உடை கட்டமைப்புடன் கூடிய ஆஃப்-ஷோல்டர் ஸ்டைலில் இருந்ததும், நயன்தாராவின் ஆரஞ்ச் சேலை பாரம்பரியத்துடன் நவீனத் தொடுதலுடன் இருந்ததும் ரசிகர்களின் கவனத்தை ஈர்த்தது.
இந்த நிகழ்ச்சியில் நயன்தாரா கியாராவைப் பற்றிப் பேசும்போது, “இது உங்கள் வாழ்க்கையின் சிறந்த படங்களில் ஒன்று. டாக்சிக்-க்கு முன் ஒரு கியாரா, பிறகு ஒரு கியாரா இருக்கப் போகிறார். நீங்கள் படத்தில் அற்புதமாக இருக்கிறீர்கள்” எனப் பாராட்டியிருந்தார். யாஷும் கியாராவின் அர்ப்பணிப்பைப் பாராட்டிப் பேசியிருந்தார்.
கே.வி.என். புரொடக்ஷன்ஸ் மற்றும் மான்ஸ்டர் மைண்ட் க்ரியேஷன்ஸ் தயாரிப்பில், கீது மோகன்தாஸ் இயக்கத்தில் உருவாகியுள்ள இந்தப் படம் ஆகஸ்ட் 26ஆம் தேதி உலகம் முழுவதும் திரையரங்குகளில் வெளியாக உள்ளது.
நயன்தாராவின் இந்த ஒரு வார்த்தை வீடியோ இப்போது சமூக வலைதளங்களில் விவாதப் பொருளாக மாறியிருக்கிறது. ரசிகர்கள் தங்களது கருத்துகளைப் பகிர்ந்து வருகின்றனர்.
Summary in English : A video from the Toxic film promotion event shows Nayanthara reacting with surprise as Kiara Advani approaches on stage. Fans debate whether the reaction was about Kiara’s appearance or something else nearby. Both stars attended the launch for the Yash-starrer, directed by Geetu Mohandas, which releases on August 26.
