அவன் SC என்பதால்.. எனக்கும் கவினுக்கும் என்ன தொடர்பு.. காதலி வெளியிட்ட பரபரப்பு வீடியோ..
திருநெல்வேலி மாவட்டத்தில் ஐ.டி. ஊழியர் கவின் செல்வகணேஷ் (27) ஆணவக் கொலை செய்யப்பட்ட சம்பவம் தமிழகத்தை உலுக்கியுள்ளது. கவின், சுபாஷினி என்ற பெண்ணை காதலித்ததாகக் கூறப்படுகிறது. ஆனால், கவின் பட்டியல் இனத்தைச் (SC) சேர்ந்தவர் என்பதால், சுபாஷினியின் குடும்பத்தினர் (MBC) காதலுக்கு எதிர்ப்பு தெரிவித்தனர். இதனால், ஜூலை 27, 2025 அன்று சுபாஷினியின் சகோதரர் சுர்ஜித் (23) கவினை அரிவாளால் வெட்டிக் கொலை செய்தார். சுர்ஜித் கைது செய்யப்பட்டு, குண்டர் சட்டத்தில் தடுத்து வைக்கப்பட்டார். சுர்ஜித்தின் தந்தை சரவணன், தமிழ்நாடு சிறப்பு காவல்படையில் சப்-இன்ஸ்பெக்டராக இருந்தவர், தற்போது சஸ்பெண்ட் செய்யப்பட்டு கைது செய்யப்பட்டுள்ளார். சுபாஷினியின் தாய் கிருஷ்ணகுமாரியும் விசாரணையில் உள்ளார். இந்நிலையில், சுபாஷினி வெளியிட்ட வீடியோவில், “நானும் கவினும் உண்மையாக காதலித்தோம். ஆனால், திருமணத்திற்கு இன்னும் ஆறு மாதங்கள் காத்திருக்க வேண்டும் என கவின் கேட்டிருந்தார். மே 30 அன்று சுர்ஜித், கவினிடம் பேசியபோது, நான் காதலிக்கவில்லை என மறுத்தேன், ஏனெனில் கவின் நேரம் கேட்டிருந்தார். ஜூலை 27 அன்று கவின், தாத்தாவின் உடல்நலம் கு...