“அந்தரங்க போட்டோவை அனுப்பு” மாணவிக்கு ஆசிரியர் பாலியல் தொல்லை.. சக ஆசிரியை உடந்தை.. நடந்தது என்ன?
தஞ்சாவூர், ஆக. 19: தஞ்சாவூர் மாவட்டத்தில் செயல்படும் ஒரு பிரபல தனியார் பள்ளியில் பயிலும் மாணவி ஒருவருக்கு அதே பள்ளியில் பணியாற்றும் ஆசிரியர் பாலியல் ரீதியாகத் தொந்தரவு அளித்ததாகவும், இன்னொரு ஆசிரியை அதற்கு உடந்தையாகச் செயல்பட்டதாகவும் புகார் எழுந்துள்ளது. இதுதொடர்பாகப் போலீசார் இருவரையும் போக்சோ சட்டப்பிரிவுகளின் கீழ் கைது செய்துள்ளனர். இந்தச் சம்பவம் பகுதியில் பெரும் அதிர்ச்சியை ஏற்படுத்தியுள்ளது. பள்ளியில் பயின்று வரும் மாணவி ஒருவருக்கு, அதே பள்ளியில் ஆசிரியராகப் பணியாற்றி வரும் சண்முக சுந்தரராஜ் என்பவர் செல்போன் மூலம் தொடர்ந்து பாலியல் ரீதியான தொந்தரவு அளித்து வந்ததாகக் கூறப்படுகிறது. ஆசிரியர் என்ற முறையில் அச்சமடைந்த மாணவி, இதுகுறித்து ஆரம்பத்தில் யாரிடமும் தெரிவிக்காமல் இருந்ததாகத் தெரிகிறது. ஆனால் ஆசிரியரின் தொல்லை நாளுக்கு நாள் அதிகரித்ததாகவும், பள்ளியில் நேரடியாகவும் தொல்லைக்கு ஆளானதாகவும் புகார் எழுந்துள்ளது. மன உளைச்சலுக்கு ஆளான மாணவி, நடந்த சம்பவங்களைத் தனது பெற்றோரிடம் கண்ணீர் மல்கத் தெரிவித்ததாகக் கூறப்படுகிறது. அதிர்ச்சியடைந்த பெற்றோர் உடனடியாகக் காவல் நிலையத்தில் ப...
